Վրաստանում Հայաստանի դեսպան Հովհաննես Մանուկյանը Վրաստանի ԱԳ նախարարի առաջին տեղակալ Նիկոլոզ Վակիձեի հետ երեկ ունեցած հանդիպման ժամանակ քննարկել է Թբիլիսիի Ս.Նշան եկեղեցու զանգակատան փլուզման հարցը։
«Երկուստեք արձանագրվել է հիշյալ եկեղեցու շուտափույթ վերանորոգման և ամրացման աշխատանքների իրականացման անհրաժեշտությունը`նմանատիպ դեպքերից հետագայում ապահովագրված լինելու նպատակով»,–հաղորդում են ԱԳՆ–ից։
Հանդիպմանը քննարկվել է նաև Պետրոս Ադամյանի անվան հայկական պետական դրամատիկական թատրոնի շենքի հիմնանորոգման աշխատանքներն սկսելու հարցը, ինչպես նաև երկու երկրների հարաբերությունների օրակարգին առնչվող այլ հարցեր: