«ԱրմենՏել» ընկերությունը պատրաստվում է երեկվա վթարի պատճառած անհանգստությունների փոխարեն անվճար հեռախոսակապի ծառայություններ մատուցել իր բաժանորդներին: Այդ մասին PanARMENIAN.Net-ի թղթակցի հետ զրույցում ասաց «ԱրմենՏել» ընկերության լրատվության պատասխանատու Անուշ Բեգլոյանը:
Նա նաև նշեց, որ այժմ «ԱրմենՏել»-ի բաժանորդների 99 տոկոսի կապը վերականգնված է, վերականգնողական աշխատանքները շարունակվում են: Իսկ այն բաժանորդեները, ում կապը դեռ վերականգնված չէ, պետք է անջատեն, միացնեն հեռախոսները:
Երեկ երեկոյան «ԱրմենՏել» ընկերությունը հայտարարել էր, որ բջջային ցանցում տեղի ունեցած վթարի պատճառով զանգեր կատարելու հնարավորությունից զրկված բաժանորդներին անհարմարությունների համար կփոխհատուցի։