Ատոմային էներգիայի միջազգային գործակալության գլխավոր տնօրեն Յուկիա Ամանոն մեկօրյա այցով Իրան կժամանի կիրակի երեկոյան, որպեսզի բանակցություններ վարի իրանական իշխանությունների հետ, հաղորդում է Fars գործակալությունը՝ հղում կատարելով ՄԱԳԱՏԷ-ում Իրանի ներկայացուցիչ Ալի Ասքար Սոլթանիեի հայտարարությանը:
Ծրագրվում է, որ Ամանոն բանակցություններ կվարի ՄԱԳԱՏԷ-ում Իրանի ներկայացուցիչ Սոլթանիեի և Իրանի գլխավոր միջուկային բանակցող Սայիդ Ջալիլիի հետ:
Ուղևորության ժամանակ Ամանոյին կուղեկցեն ՄԱԳԱՏԷ-ի գլխավոր տեսուչ Հերման Հաքերթսը և քաղաքականության հարցերով գլխավոր տնօրենի օգնական Ռաֆայել Գրոսսին: