Ուկրաինայում EURO-2012-ի խաղերի տոմսերը գրեթե սպառվել են
Ուկրաինայում EURO-2012-ի խաղերի տոմսեր գրեթե չեն մնացել, դրանք արագ տեմպերով են վաճառվում, հայտարարել է մրցաշարի ուկրաինական մասի տնօրեն Մարկիան Լուբկիվսկին:
«Տոմսեր գրեթե չեն մնացել: Վերջին 2 շաբաթների ընթացքում Ուկրաինայում ֆանտաստիկ քանակությամբ տոմսեր են իրացվել»,-ասել է Լուբկիվսկին:
Ըստ նրա, տոմսերը մեծ արագությամբ են իրացվում: Տոմսեր գրեթե չեն մնացել նաև եզրափակչի համար:
Ֆուտբոլի Եվրոպայի առաջնությունը տեղի կունենա հունիսի 8-հուլիսի 1-ը:
