Շախմատի համաշխարհային Օլիմպիադայի հաղթողներ Վլադիմիր Հակոբյանը, Տիգրան Լ. Պետրոսյանը, գրոսմայստերներ Հրանտ Մելքումյանը, Ավետիք Գրիգորյանը, Նելլի Աղինյանը, միջազգային վարպետներ Կարեն Գրիգորյանը, Հովհաննես Գաբուզյանը, Վահե Բաղդասարյանը մայիսի 26-ից հունիսի 3-ը կմասնակցեն Բուլղարիայի Ալբենա քաղաքում անցկացվելիք օփենին:
Մրցաշարին մասնակցելու են 214 շախմատիստներ տարբեր երկրներից:
Մրցաշարի հաղթողը կստանա 6000 եվրո, իսկ 2-րդ և 3-րդ տեղերը զբաղեցրածները` համապատասխանաբար 4000 և 2000 եվրո: