Հուլիսի 29-30-ը Ստեփանակերտում, ԼՂՀ արտաքին գործերի նախարարության 10-ամյակի տոնակատարությունների շրջանակներում, կկայանա ԼՂՀ ԱԳՆ ապարատի եւ արտասահմանում Լեռնային Ղարաբաղի մշտական ներկայացուցիչների առաջին խորհրդակցությունը: Ինչպես հաղորդում է «Մեդիամաքս» գործակալությունը, խորհրդակցության աշխատանքին կմասնակցի Հայաստանի արտգործնախարարության պատվիրակությունը` նախարար Վարդան Օսկանյանի գլխավորությամբ: Հայկական պատվիրակության կազմում Ստեփանակերտ կժամանեն ՀՀ դեսպանները մի շարք երկրներում: Խորհրդակցության մասնակիցները կքննարկեն Հայաստանի եւ ԼՂՀ արտաքին քաղաքական գերատեսչությունների գործունեության կոորդինացման հարցերը: Խորհրդակցության ավարտին նրանց միջեւ կստորագրվի համագործակցության մասին նորացված արձանագրությունը: