ՀՀԿ ընտրական շտաբի ղեկավար և Ազգային ժողովի նախկին խոսնակ Հովիկ Աբրահամյանը լրագրողներին չի հաստատել տեղեկատվությունը, թե կրկին կգլխավորի խորհրդարանը:
ՀՀ նախագահ Սերժ Սարգսյանի նախագահությամբ ՀՀԿ գործադիր մարմնի նիստից հետո լրագրողների հետ զրույցում Աբրահամյանը նշել է, որ ինքն իրեն տեսնում է օրենսդիր իշխանության մեջ, այլ ոչ թե գործադիր: «Տիգրան Սարգսյանի կառավարությունը շատ լավ է աշխատում»,- նկատել է նա:
Ընդ որում լրագրողների հետ զրույցում նա նշել է, որ Ազգային ժողով վերադառնալուց հետո կխստացնի լրագրողների կողմից խորհրդարան այցելությունների կանոնները, որոնք պարզեցվել են ներկայիս խոսնակի կողմից: