Անվանի բելառուս կինոռեժիսոր Սերգեյ Լոզնիցայի «Մշուշում» ֆիլմը, որը Կաննի 65-րդ միջազգային կինոփառատոնում արժանացել է հեղինակավոր FIPRESCI (Կինոքննադատների միջազգային ֆեդերացիա) մրցանակին, կներկայացվի «Ոսկե ծիրան» երևանյան 9-րդ միջազգային կինոփառատոնի ծրագրում:
Ինչպես հայտնում է փառատոնի մամլո ծառայությունը, Լոզնիցան երկու անգամ մասնակցել է փառատոնին. 2006թ. ներկայացրել է իր «Շրջապատում» վավերագրականը, իսկ 2010թ. ներկայացնելով իր «Իմ երջանկություն» ֆիլմը` արժանացել է Խաղարկային ֆիլմերի միջազգային մրցույթի «Արծաթե ծիրան» հատուկ մրցանակի: