ՆԱՏՕ-ն մտադիր է 2014թ. հետո Աֆղանստանում միջազգային առաքելության նոր ծրագիր գործարկել
Աֆղանստանի իշխանություններն ու ՆԱՏՕ-ի ղեկավարությունը որոշում են ընդունել երկրում նոր միջազգային խաղաղապահական առաքելության ծրագրի մշակման մասին, որը ենթադրվում է կյանքի կոչել 2014 թվականից հետո:
Դաշինքի գլխավոր քարտուղար Անդերս ֆոգ Ռասմուսսենը Բրյուսելում կայացած մամլո ասուլիսում հայտնել է, որ նոր ծրագիրը հնարավոր կլինի իրագործել այն բանից հետո, երբ աֆղանական անվտանգության ուժերը ի վիճակի լինեն ստանձնել երկրում խաղաղության և կայունության համար պատասխանատվությունը:
Նրա խոսքով` նոր առաքելությունը կբացառի ռազմական գործողությունների ձեռնարկումը, բայց ենթադրում է Աֆղանստանի անվտանգության ուժերի նախապատրաստման աշխատանքներին աջակցության խնդիրների լուծում:
