Հայաստանի հաղթանակից հետո (3:0) Ղազախստանի հավաքականի գլխավոր մարզիչ Միրոսլավ Բերանեկը խոստովանեց, որ իրենք գիտեին, որ հայկական թիմը լավ աճ է գրանցել և ՖԻՖԱ-ի դասակարգման աղյուսակում ավելի բարձր տեղ է գրավում, քան իրենք: «Մենք գոլ բաց թողեցինք և այլևս չկարողացանք վերականգնվել ու շատ գրոհներ ստեղծել: Առաջին կեսում մենք էլ հնարավորություն ունեինք, բայց մեր տղաներն այսպիսի ոճով խաղին սովոր չէին ու չկարողացան գոլի հեղինակ դառնալ»,- ասաց մարզիչը: Նա ավելացրեց, որ խաղն իրենց մոտ չստացվեց, հայերը լավ կոմբինացիաներ էին անում և տիրում էին խաղի նախաձեռնությանը. «Այս հաղթանակն արդարացված էր, ու ես շնորհավորում եմ հայերին»: