Առաջիկայում հայ-թուրքական գործընթացում որևէ առաջխաղացում չի լինի, գտնում է քաղաքագետ Նարեկ Գալստյանը: Ըստ նրա, առաջընթացի համար պետք է, որ Թուրքիայի հանդեպ ճնշում գործադրվի, սակայն ԱՄՆ և Արևմուտքի համար այժմ ավելի կարևոր է Իրանի միջուկային ծրագրի ու Սիրիայի հարցը:
«Այժմ Արևմուտքը չի ցանկանա, որ ճնշման պատճառով Թուրքիան փոխի իր մոտեցումները Մերձավոր Արևելքի խնդիրների վերաբերյալ»,-ասել է նա:
Նա հավելել է նաև, որ պետքարտուղար Քլինթոնի հայտարարությունները հայ-թուրքական գործընթացը առանց նախապայմանների շարունակելու անհրաժեշտության մասին, ոչ մի հետևանք չեն ունենա և Թուրքիան չի փոխի դիրքորոշումը: