Հովհաննես Ղազարյանն ընտրվել է «Ազատ դեմոկրատների» փոխնախագահ
Երեկ տեղի ունեցած «Ազատ դեմոկրատներ» կուսակցության վարչության նիստին առաջարկվել էր ընտրել ևս մեկ փոխնախագահ, ինչը բխում է կուսակցության կանոնադրությունից: Այդ պաշտոնում առաջարկվել է վարչության անդամ Հովհաննես Ղազարյանի թեկնածությունը, որն էլ անցավ միաձայն:
«Ազատ դեմոկրատներ» կուսակցության լրատվական ծառայության փոխանցմամբ` այժմ կուսակցության փոխնախագահներն են Անուշ Սեդրակյանը և Հովհաննես Ղազարյանը:
Վարչությունը նաև որոշել է ձևավորել տարածքային կազմակերպչական և վերլուծական բաժիններ:
Տարածքային կազմակերպչական բաժնի ղեկավար է ընտրվել վարչության անդամ Արմեն Առաքելյանը, իսկ վերլուծական բաժինն այսուհետ կղեկավարի վարչության անդամ Արթուր Ավթանդիլյանը:
