Հունիսի 9-ին Մոսկվայում ընթանում է Տալի հուշախաղի երկրորդ տուրը: Առաջինն իր պարտիան ավարտել է հայ գրոսմայստեր Լևոն Արոնյանը:
Նա սև ֆիգուրներով 25-րդ քայլում կիսել է միավորները Եվգենի Տոմաշևսկու (Ռուսաստան) հետ: Ներկա պահին Արոնյանը 1,5 միավոր ունի և գլխավորում է մրցաշարային աղյուսակը:
Ֆաբիանո Կարուանա – Հիկարու Նակամուրա, Լյուկ Մաքշեյն – Թեյմուր Ռաջաբով, Վլադիմիր Կրամնիկ – Ալեքսանդր Գրիշչուկ և Ալեքսանդր Մորոզևիչ – Մագնուս Կարլսեն պարտիաները շարունակվում են: