Եվրամիությունում երբեք չեն կասկածել Իսպանիայի` բանկերի հետ ունեցած իր խնդիրը կարգավորելու վճռականության հարցում, երկուշաբթի օրը Բրյուսելում ճեպազրույցի ժամանակ հայտնել է Եվրահանձնաժողովի պաշտոնական ներկայացուցիչ Ամադեու Տարդիուն, հաղորդում է Ինտերֆաքսը:
«Իսպանական կառավարությունը ֆինանսական աջակցության համար պատասխանատվություն է կրելու Եվրախմբում գործընկերների և ԵՄ ինստիտուտների առջև: Հետևաբար, հենց իսպանական կառավարությունն է օգնության պայմանների մասին հուշագիր ստորագրելու»,- ասել է Տարդիուն` պարզաբանելով լրագրողներին հունիսի 9-ին Եվրախմբի կողմից Իսպանիայի վերաբերյալ ընդունված որոշումը:
Նրա խոսքով` Իսպանիայի իշխանությունները խնդրի լուծման տարբերակների շուրջ մտորելուց հետո հասկացել են, որ «գործընկերներին դիմելն ավելի հուսալի և պակաս թանկ է»:
Մոտ ժամանակներս Բրյուսելում ակնկալում են Իսպանիայի պաշտոնական դիմումը Եվրախմբին:
