Թունիսում ձերբակալվել են մոտ 90 սալաֆիտներ, որոնք անկարգություններ են հրահրել նախօրեին
Թունիսի ոստիկանությունը 86 իսլամիստ-սալաֆիտների է ձերբակալել, որոնք գիշերը անկարգություններ են հրահրել մայրաքաղաքում: Այդ մասին այսօր հայտնել է երկրի ՆԳՆ ներկայացուցիչ Լյուտֆի Հիդուրին, հաղորդում է ԻՏԱՐ-ՏԱՍՍ-ը:
Ըստ նրա, սալաֆիտները, վրդովված լինելով ցուցահանդեսից, որը, նրանց կարծիքով, վիրավորում է իսլամը, գիշերը դուրս են եկել փողոց բողոքի ցույցի:
Բախումներ են տեղի ունեցել ոստիկանության հետ, որը փորձում էր ցրել հավաքվածներին, արդյունքում առնվազն յոթ իրավապահներ վիրավորել են:
