Այսօր ՀՀ ԱԺ նախագահ Արթուր Բաղդասարյանն ընդունել է Հայաստանում ՄԱԿ-ի փախստականների գծով գերագույն հանձնակատարի ներկայացուցիչ Պիտեր Նիկոլաուսին եւ Հայաստանում Փախստականների նորվեգական խորհրդի ներկայացուցիչ Թիմ Սթրեյթին: Հանդիպման ընթացքում նշվել է, որ պետական միջինժամկետ ծախսային ծրագրով 5 միլիոն դոլար գումար է նախատեսված փախստականների հիմնախնդիրների լուծման համար: Կարեւորելով ՀՀ ԱԺ նախագահին կից ստեղծված փախստականների խորհրդի առաքելությունը` Պ. Նիկոլաուսը եւ Թ. Սթրեյթը պատրաստակամություն են հայտնել համագործակցել խորհրդի հետ եւ աջակցել փախստականների խնդիրների հիմնարար լուծմանը: