WikiLeaks-ի հիմնադիր Ջուլիան Ասանժի փաստաբանները վերաբողոքարկել են նրան հանձնելու մասին որոշումը:
Համապատասխան փաստաթղթերը նրանք Մեծ Բրիտանիայի Գերագույն դատարան են ներկայացրել այսօր` բողոքարկման համար իրենց տրված երկուշաբաթանոց ժամկետի ավարտից մեկ օր առաջ:
Գերագույն դատարանը դեռևս չի նշում վերաբողոքարկման վերաբերյալ որոշում ընդունելու ժամկետները:
Ասանժին Մեծ Բրիտանիայից Շվեդիային հանձնելու մասին որոշումն ընդունվել է 2011թ. փետրվարին, իսկ 2012թ. մայիսի 30-ին Գերագույն դատարանը մերժել է WikiLeaks-ի հիմնադրի փաստաբանների բողոքարկումը: