Օրերս Սյունիքի մարզի պատմական Խնձորեսկ գյուղում բացվել է ճոճվող կամուրջը: Այդ մասին PanARMENIAN.Net-ի թղթակցին պատմեց մարզպետարանի աշխատակազմի մշակույթի և սպորտի բաժնի պետ Սարգիս Դավթյանը:
«Պատմական Խնձորեսկն իր քարանձավներով և գեղատեսիլ այլ տեսարժան վայրերով կտրված էր տուրիստական երթուղիներից: Ունեինք միայն փոքրիկ դիտակետ, որտեղից զբոսաշրջիկները կարող էին դիտել պատմական գյուղը», ասաց նա:
Կամուրջն ունի 60 մ բարձրություն և 100 մ երկարություն: Այն կապում է գետի երկու ափերը:
Այն կառուցել են խնձորեսկցի բարերարները, և Դավթյանի կարծիքով Տաթևի ճոպանուղուց հետո երկրորդ կարևորագույն քայլն է մարզում տուրիզմը զարգացնելու գործում: