Հասարակական տրանսպորտի ոլորտում այսօր կա դրական տեղաշարժ. միկրոավտոբուսների քանակը պակասում է, իսկ ավտոբուսներինը` շատանում, սակայն հասարակական տրանսպորտի աշխատանքի գրաֆիկը շարունակում է մնալ խնդիր: Այսօր լրագրողների հետ հանդիպմանն այս մասին ասաց սպառողների միության նախագահ Արմեն Պողոսյանը։
«Դրա համար պետք է վարորդների աշխատավարձը որոշվի ոչ թե իրենց հավաքած գումարից, այլ նրանից, թե ինչքանով է տվյալ վարորդը պահպանում նախատեսված գրաֆիկը»:
Հասարական տրանսպորտի հետ կապված այս և այլ խնդիրներ լուծելու համար ստեղծվել են մի շարք քաղաքացիական նախաձեռնություններ, որոնցից է «Արժամանպատիվ տրանսպորտ» նախաձեռնությունը:
Նախաձեռնության անդամ Արման Ղարիբյանը նշեց, որ իրենք ստեղծել են աշխատանքային խումբ` հասարակական տրանսպորտի հարցով զբաղվելու համար. «Հստակ ռազամվարություն է պետք մշակել, որ հասնենք խնդրի լուծմանը սեղմ ժամկետներում, այլապես այն շատ երկար կտևի»:
Ղարիբյանի խոսքով, աշխատանքային խմբի մեջ կան նաև իրավաբաններ, ովքեր պետք եղած դեպքում կարող են դատարանում լուծել հարցը: