Վրաստանում ծրագրվում է դադարեցնել բարձրագույն կրթության մասին դիպլոմների հանձնումն այն անձանց, որոնք անգլերեն չգիտեն: Ինչպես հաղորդում է Ինտերֆաքսը, այդ մասին հինգշաբթի օրը Բաթումիում հայտարարել է Վրաստանի նախագահ Միխայիլ Սահակաշվիլին:
«Ով ինչ էլ ասի, մենք մոտ ժամանակներս կներմուծենք կանոն` առանց անգլերենի իմացության բուհերի շրջանավարտները չեն կարողանա դիպլոմ ստանալ»,- ասել է նա` ելույթ ունենալով Բաթումիում տեղի ունեցող միջազգային բժշկական խորհրդաժողովի ժամանակ:
«Շատ լավ է իմանալ ռուսերեն, բայց այսօրվա աշխարհում տեղեկատվության գրեթե ողջ հոսքը անգլալեզու է, ուստի այդ կանոնը պետք է պարտադիր լինի»,- ասել է Սահակաշվիլին: