Սիրիայի ՌՕՈՒ ՄիԳ-21 կործանիչը հինգշաբթի օրը վայրէջք է կատարել Հորդանանի հյուսիսում գտնվող «Մաֆրաք» ռազմակայանում, հաղորդում է Ալ-Արաբիա հեռուստաալիքը` հղում կատարելով ընդդիմադիր Սիրիական ազգային խորհրդի ներկայացուցիչներին:

Սիրիայի պետական հեռուստատեսությունն իր կողմից առայժմ չի հաստատում այդ տեղեկատվությունը: Դրա հետ մեկտեղ այն հաղորդել է, որ սիրիական զինվորականները կորցրել են կապը կործանիչի հետ, հաղորդում է Ինտերֆաքսը:

Հորդանանի իշխանություններն իրենց հերթին հաստատել են, որ սիրիական կործանիչն իսկապես վայրէջք է կատարել իրենց տարածքում: