Լաթակիա սիրիական քաղաքի բնակիչները, որի մերձակայքում հունիսի 22-ի երեկոյան ընկել է F-4 թուրքական կործանիչը, հայտնում է BBC Arabic-ը, տեսել են, որ ինքնաթիռին երկրից են հարվածել: Համաձայն այդ տվյալների` միջադեպը տեղի է ունեցել Ռաս ալ-Բասիտ քաղաքի մոտ:

Թուրքական Hurriyet թերթի տվյալների համաձայն` ինքնաթիռի ավերակներն ընկել են Միջերկրական ծովը` Լաթակիայի մոտ, երկու օդաչուներն էլ կենդանի են մնացել: Նրանց օգնության են ուղարկվել որոնողափրկարարական ջոկատները, որոնք, ըստ վերջին տվյալների, օդաչուներին դուրս են բերել ջրից: