«Չորրորդ ինքնիշխանություն» թերթը գրում է, որ իր տեղեկություններով Հանրապետության հրապարակում գտնվող ՀՀ կապի և տրանսպորտի նախարարությունը, ինչպես նաև երևանցիներին հայտնի «պոչտան» շատ շուտով հյուրանոցի է վերածվելու: Ըստ թերթի, հյուրանոցի ապագա սեփականատերն արդեն ՀՀ իշխանության հետ պայմանավորվածության է եկել, և շատ շուտով այստեղ կառուցվելու է «Արարատ Հայաթ» բրենդը կրող հյուրանոցը:

Թերթը հիշեցնում է, որ այդ անունը բավական մեծ համբավ ունի Մոսկվայում: «Հյուրանոցը Մոսկվայում, ըստ այդմ նաև Երևանում պատկանում է ԱԺ նախկին պատգամավոր Սամվել Սարգսյանին, որը պատգամավոր դառնալուց առաջ եղել է Վայոց Ձորի մարզպետ: Շրջանառվող լուրերի համաձայն` կառուցապատողները պահպանելու են շենքի արտաքին ֆասադը», - գրում է «ՉԻ»-ն: