Պլաստիկ քարտի տեսքով վարորդական վկայականները ենթակա են փոխանակման նաև գործողության ժամկետը լրանալուց հետո
Վարորդական վկայականների վերաբերյալ երեկվա հայտարարության կապակցությամբ Ճանապարհային ոստիկանությունը պարզաբանում է.
«Հայտարարության մեջ նշված` գործողության ժամկետի նշում չպարունակող վարորդական վկայականներ ասելով նկատի են առնվում խորհրդային նմուշի, ոչ պլաստիկ քարտի տեսքով վարորդական վկայականները:
Ինչ վերաբերում է պլաստիկ քարտի տեսքով (այդ թվում` ոչ գունավոր նկարով) վարորդական վկայականներին, ապա դրանք պարունակում են գործողության ժամկետի նշում և ենթակա են փոխանակման գործողության ժամկետն ավարտվելուց հետո»,- հայտնում են ՀՀ ոստիկանության լրատվական ծառայությունից:
