«Երկիր» թերթը գրում է, որ վերջին շրջանում շատ է շոշափվում այն հարցը, թե արդյո՞ք ի զորու է ընդդիմությունը նախագահական ընտրությունների ժամանակ հանդես գալ մեկ միասնական թեկնածուով: Թերթի հետ զրույցում ԲՀԿ-ական պատգամավոր Արագած Ախոյանը խնդրեց հստակեցնել, թե ընդդիմադիր ո՞ր ուժերին նկատի ունի թերթը, հիշեցնելով, որ ԲՀԿ-ն այլընտրանք է:
ԲՀԿ-ական պատգամավորը համոզված է, որ կուսակցության ընդդիմադիր երեք ուժերի հետ մեկ միասնական թեկնածուով հանդես չի գա: Ախոյանը նաև չպատասխանեց, թե ԲՀԿ-ն հանդես գալու՞ է սեփական թեկնածուով թե՞ ոչ` նշելով, որ կուսակցությունում դեռ որոշումներ չեն կայացվել: Նա նաև ասաց, որ առաջին անգամ է լսում, և իր մտքով չի անցել, որ նախկին ԱԳ նախարար Վարդան Օսկանյանը կարող է առաջադրվել: «ԲՀԿ-ում նրա առաջադրման մասին խոսք անգամ չկա»,-ասել է Ախոյանը:
