Հնդկական խոշորագույն Air India ավիաընկերության շուրջ 400 օդաչուներ դադարեցրել են գործադուլը, որը շարունակվում էր գրեթե 2 ամիս, հայտնում է BBC-ի ռուսական ծառայությունը:

Դելիի բարձր դատարանը 48 ժամ է տվել օդաչուներին աշխատանքի վերադառնալու համար:

Գործադուլի պատճառը Boeing 787 Dreamliner ինքնաթիռի փորձնական թռիչքների վերաբերյալ անհամաձայնությունն էր ընկերության ղեկավարության հետ: Օդաչուները դեմ էին, որ նրանց գործընկերները Indian Airlines-ից, որի հետ միավորվել է իրենց ընկերությունը, ուսուցումն անցնեն նույն պայմաններով;