Samsung հարավկորեական ընկերությունը ստիպված է ԱՄՆ-ում դադարեցնել իր Galaxy Nexus սմարթֆոնների վաճառքը` համաձայն հեռախոսների այդ մոդելի վաճառքն արգելելու մասին Apple-ի հայցի վերաբերյալ ամերիկյան դատարանի կայացրած վճռի: Դատարանի կարծիքով` Samsung-ը Galaxy Nexus սմարթֆոններն արտադրելիս խախտել է Apple-ի չորս պատենտ:

Միևնույն ժամանակ Apple ընկերությունը ստիպված է եղել 95,6 մլն դոլար ներդնել` որպես գրավ Samsung-ի կորուստների հատուցման համար, եթե դատարանի որոշումը վիճարկվի, հաղորդում է BBC ռուսական ծառայությունը: