«Ժողովուրդ» թերթը գրում է, որ ԱԺ-ի նոր մասնաշենքի չորրորդ հարկում այս օրերին շինարարական եռուզեռ է. «Բանն այն է, որ թիվ 4 ընտրատարածքի պատգմավարոր դարձած Արտակ Սարգսյանը` ՍԱՍ–ի Արտակը, որոշել է հիմնովին վերանորոգել իր ապագա աշխատասենյակը։ Նա իրենով է արել միանգամից 3 աշխատասենյակ ու հիմա բանվորները քանդում են շենքի միջնորմ պատերը` այդ տարածքն իրար միացնելու և ՍԱՍ–ի Արտակի աշխատասենյակն ընդլայնելու համար։ Դրա հետևանքով արդեն տևական ժամանակ է խաթարվել է նոր մասնաշենքում նստող ԱԺ աշխատակիցների ու պատգամավորների աշխատանքը, քանի որ նրանք ողջ օրը ստիպված են լսել շինարարական անտանելի աղմուկը»,–գրում է պարբերականը։