Ադրբեջանի արտգործնախարարությունը հերքել է մի շարք ադրբեջանական լրատվամիջոցներում տարածված տեղեկատվությունը Ադրբեջանում Իրանի դեսպանատան փակման մասին: Ինչպես հաղորդել է Ադրբեջանի ԱԳՆ մամլո քարտուղար Էլման Աբդուլլաևը, ԱԳՆ-ն Իրանի Իսլամական Հանրապետության դիվանագիտական առաքելության փակման կապակցությամբ որևէ դիմում չի ստացել:
«Այսօրվա դրությամբ Ադրբեջանում Իրանի դեսպանն ավարտել է իր դիվանագիտական առաքելությունը համաձայն նորմալ ընթացակարգերի»,- ընդգծել է Աբդուլլաևը` նշելով, որ որևէ դեսպանի դիվանագիտական գործունեության ավարտը սովորական ընթացակարգ է դիվանագիտական պրակտիկայում: