Սերբիայի իշխանությունները պետք է հաշվի նստեն ժողովրդավարական Կոսովոյի ինքնուրույնության հետ, շաբաթ օրը լրագրողներին է հայտնել ԱՄՆ պետքարտուղարի Եվրոպայի և Եվրասիայի գործերի օգնական Ֆիլիպ Գորդոնը, հաղորդում է Ինտերֆաքսը:
«Ո'չ մենք, ո'չ Եվրամիությունը չենք ակնկալում, որ Սերբիան ներկա պահին պաշտոնապես կճանաչի Կոսովոն: Նա դա չի անի: Այնուամենայնիվ, Սերբիան պետք է հաշտվի ժամանակակից սահմաններում ժողովրդավարական, ինքնուրույն, անկախ և բազմազգ Կոսովոյի գոյության իրողության հետ»,- ասել է Գորդոնը: