Գլոբալացումն սպառնում է փոքր ժողովուրդներին, եթե պետություններն ի զորու չեն պաշտպանել նրանց ինքնությունը: Այդ մասին ասվել է այսօր Երեւանում կազմակերպված «կլոր սեղանի» ընթացքում, որը նվիրված էր «Գլոբալացումը եւ Հայաստանի զանգվածային լրատվության միջոցները» թեմային: Հանդիպումը կազմակերպել էր Հայաստանի ժուռնալիստների միությունը բրիտանական LINKS կազմակերպության աջակցությամբ: Ինչպես նշել է քննարկումներին մասնակցած Մեծ Բրիտանիայի խորհրդարանի Լորդերի պալատի անդամ լորդ Ջեյմս Գորդոնը, հարկավոր է ոչ թե կուրորեն ենթարկվել գլոբալացմանը, այլ ընտրել միայն յուրաքանչյուր ազգի համար ընդունելի ինտեգրման ուղի: