40 տոննա մարիխուանայով թունել է հայտնաբերվել Մեքսիկայի և ԱՄՆ սահմանին
Մեքսիկայի կառավարությունը հայտարարել է, որ զինվորականներին հաջողվել է թմրանյութերի մաքսանենգության նոր թունել հայտնաբերել ԱՄՆ հետ սահմանում և առգրավել 40 տոննա մարիխուանա:
Մեքսիկական իշխանությունները հայտարարում են, որ սա մաքսանենգների արդեն 4-րդ թունելն է, որ հայտնաբվերվել է վերջին շաբաթվա ընթացքում:
Իշխանություններն ասում են, որ երեք թունելները դեռ շինարարության ընթացքում էին, այդ թվում 365-մետրանոց անցումը, որը սկսվում էր Տիխուանայում, և արդեն մինչև 100 մ խորանում էր դեպի ԱՄՆ տարածք, հայտնում է «Ամերիկայի ձայնը»:
