Ռուսաստանի նախագահ Վլադիմիր Պուտինը հուլիսի 17-ին կհանդիպի ՄԱԿ-ի և ԱՊԼ-ի հատուկ դեսպանորդ Քոֆի Աննանի հետ, ով հուլիսի 16-17-ին այցով կգտնվի Մոսկվայում: Այս մասին հաղորդում է ՌԻԱ Նովոստին` հղելով ՌԴ նախագահի մամլո ծառայությունը:
«Հանդիպման շրջանակներում ծրագրվում է ևս մեկ անգամ հաստատել Ռուսաստանի աջակցությունը Աննանի խաղաղ կարգավորման ծրագրին: Ռուսական կողմը ելնում է նրանից, որ այդ ծրագիրը Սիրիայի ներսում խնդիրները լուծելու միակ կենսունակ հարթակն է»,-ասվում է հաղորդագրությունում:
Ընդ որում, Ռուսաստանի նախագահի մամլո ծառայությունը ընդգծում է, որ սա վերջին 4 ամիսների ընթացքում հատուկ դեսպանորդի 4-րդ այցն է Մոսկվա:
2011-ի մարտից չդադարող բախումների արդյունքում Սիրիայում, ըստ ՄԱԿ-ի տվյալների, զոհերի թիվը հասել է գրեթե 15 000-ի: