2011 թվականի Հայաստանի չեմպիոն «Ուլիսն» առաջին անգամ մեկնարկեց Չեմպիոնների Լիգայում: Որակավորման երկրորդ փուլում երևանյան ակումբը մրցեց մոլդովական «Շերիֆի» դեմ: Խաղն ավարտվեց հյուրերի հաղթանակով 0:1 հաշվով:
Առաջին կեսում թիմերին չհաջողվեց դարպասի գրավում արձանագրել, չնայած երկուսն էլ կարողացան ստեղծել վտանգավոր պահեր: «Շերիֆի» կազմում դարպասապահ Էդվարդ Հովհաննիսյանի հետ մեն-մենակ դուրս գալով` Դարվին Ռիոսը դարպասաձողին հարվածեց, այնուհետև վրիպեց Սերգեյ Գեորգիևը:
«Ուլիսն» առաջին կեսում ավելի տպավորիչ էր գործում ու վտանգավոր գրոհներ կազմակերպում: Հեռահար հարվածով աչքի ընկավ Նորայր Սահակյանը, ուղղահայաց դարպասաձողին դիպավ գնդակը Շոթա Ջիքիայի հարվածից հետո:
Հանդիպման 61-րդ րոպեին Գեորգիևն արդեն դիպուկ էր և գրավեց «Ուլիսի» դարպասը, որն էլ վճռեց հանդիպման ելքը:
Թիմերի պատասխան խաղը կկայանա հուլիսի 24-ին Տիրասպոլի «Շերիֆ» մարզադաշտում:
