Ջերմուկում ընթացող ՖԻԴԵ-ի կանանց Գրան Պրիի երկրորդ տուրն անհաջող էր հայ շախմատիստուհիների համար:
Էլինա Դանիելյանը զիջել է Ցզյու Վենցզյանին (Չինաստան), իսկ Լիլիթ Մկրտչյանը՝ Հոու Իֆանին (Չինաստան):
Ռուսաստանցի Նադեժդա Կոսինցևան հաղթեց Չժաո Սյուեյին (Չինաստան), Եկատերինա Լագնոն (Ուկրաինա)՝ Եկատերինա Կովալևսկայային (Ռուսաստան): Ռուան Լուֆեյը (Չինաստան) հաղթել է Բաթհույագ Մոնղոնթուլին (Մոնղոլիա), իսկ Համփի Քոներուն (Հնդկաստան)-Նինո Խուրցիձեին (Վրաստան):
Մրցաշարային աղյուսակը 2 միավորով գլխավորում է Համփի Քոներուն, Ցզյու Վենցզյունը ևս ունի 2 միավոր և 2-րդ տեղում է, եռյակը եզրափակում է Հոու Իֆանը 1,5 միավորով:
3-րդ տուրում Էլինա Դանիելյանի մրցակիցը կլինի Համփի Քոներուն, իսկ Լիլիթ Մկրտչյանը կխաղա Ռուան Լուֆեյի հետ: