Ռուսաստանի «Ինգեոկոմ միավորում» ՓԲԸ-ն մտադիր է 150 մլն դոլար ներդնել Երեւանի կենտրոնում խոշոր շինարարական ծրագրերի իրականացման գործում: Այդ մասին ասվում է ռուսական «Դիպլոմատ» հանդեսի նոյեմբերյան համարում: Առաջին հերթին խոսքը վերաբերում է քաղաքի կենտրոնական մասի վերակառուցմանը եւ 60 հազար քմ մակերեսով կարեւոր պետական օբյեկտի շինարարությանը Հայաստանի կառավարության համար: 3 տարվա ընթացքում նախատեսվում է կառուցել շուրջ 300 հազար քմ բնակարաններ, բազմաֆունկցիոնալ համալիրներ, գրասենյակներ եւ հյուրանոցներ: Այդ ծրագրի իրականացման համար Երեւանում կստեղծվի շուրջ 2 հազար նոր աշխատատեղ, Հայաստանում ստեղծվել է «Ինգեոկոմ-Երեւան» ընկերությունը: