Ադրբեջանի ռազմագերիների եւ անհայտ կորածների հարցերով պետհանձնաժողովում «Կովկասյան հանգույցի» թղթակցին մեկնաբանել են այն փաստը, որ Ղարաբաղի հայերի մի խումբ դիմել է ԵԱՀԿ Մինսկի խումբ Ադրբեջանում հայ գերիների առկայության մասին, որոնց օգտագործում են որպես ստրուկներ: Պետհանձնաժողովում գտել են, որ այդ մեղադրանքներն անհիմն են: «Ներկայումս Ադրբեջանում չկա ոչ մի հայ ռազմագերի: Բոլորին հանձնել են հայկական կողմին: Ադրբեջանական կողմը ներկայումս եւս պատրաստ է հնարավորություն ընձեռնել ստուգելու ռազմագերիների առկայությունը»,- ընդգծել է պետհանձնաժողովը: