Օգոստոս ամսին Լաս Վեգասում կսկսվեն Սուրբ Կարապետ եկեղեցու շինարարական աշխատանքները, հայտնում է «Ասպարեզը»:
Օրերս շինարարության վայր է այցելել Մեծի Տանն Կիլիկիո կաթողիկոսության ԱՄՆ Արևմտյան ափի արքեպիսկոպոս Մուշեղ Մարտիրոսյանը: Նա տեղի հոգևոր հովիվ Ավետիս Թորոսյանի հետ համաձայնեցրել է եկեղեցու կառուցման մանրամասները: Ապագա եկեղեցուն կից արդեն գործում է մշակույթի տուն, որտեղ ժամանակավորապես կազմակերպվում են եկեղեցական արարողություններ: Եկեղեցին, ըստ ծրագրերի, կսկսի գործել 2013 թ-ի մայիսից:
Դեռ 2011 թ-ի հոկտեմբերին Մեծի Տանն Կիլիկիո կաթողիկոս Արամ Առաջինը կատարել է հիմնարկեքի արարողությունը: