Նորվեգացի ահաբեկիչ Անդերս Բրեյվիկը 10 շաբաթով տեղափոխվել է Իլայի բանտից, որտեղ գտնվում էր անցյալ տարվա հուլիսի 26-ից, խիստ ռեժիմի այլ բանտ, հաղորդում է ԻՏԱՐ-ՏԱՍՍ-ը` հղում տալով տեղական լրատվամիջոցներին:
Շիեն բանտում, որտեղ այժմ գտնվում է ահաբեկիչը, նրա տրամադրության տակ կլինեն երեք սենյակներ` ննջարան, մարզասրահ և գրասենյակ:
Իլայի տնօրեն Կնուտ Բյարկեյդը հաղորդել է «Վերդենս գանգ» հրատարակությանը, որ տեղափոխությունը վաղուց էր ծրագրվել հիմնականում անվտանգության նկատառումներով:
Սպասվում է նաև Բրեյվիկին ողջ այս տարին հսկող անձնակազմի փոփոխություն: Բացի դրանից, այն սենյակներում, որտեղ նախկինում գտնվել է Բրեյվիկը, վերանորոգում է ծրագրվում: