ԱՄՆ պետքարտուղար Հիլարի Քլինթոնը դիմել է ՄՕԿ-ին՝ կոչ անելով հարգել 1972թ. Մյունխենի Օլիմպիադայի ահաբեկչության զոհերի հիշատակը: Քլինթոնը նման բովանդակությամբ նամակ է հղել Ժակ Ռոգեին՝ առաջարկելով լռության րոպե հայտարարել ամառային Օլիմպիադայի բացման արարողության ժամանակ:
Ավելի վաղ նման գործողություննեւրին կողմ է հանդես եկել ԱՄՆ նախագահ Բարաք Օբաման և նրա մրցակից Միթ Ռոմնին:
Երկուսն էլ հայտարարել են, որ Լոնդոնում պետք է հարգել Մյունխենի օլիմպիադայի ժամանակ ահաբեկիչների ձեռքից զոհված իսրայելցի մարզիկների հիշատակը՝ այդ ողբերգության 40-ամյակի կապակցությամբ:
Ժակ Ռոգեն Օլիմպիադայի բացման արարողությունը ոչ այնքան հարմար վայր է համարում նման գործողությունների համար:
Փոխարենը նրանց հիշատակը հարգվել է Օլիմպիական ավանի բացման ժամանակ, հայտնում է ԻՏԱՐ-ՏԱՍՍ-ը: