Այսօր ինտերնետ ադմինիստրատորի կամ ինտերնետի օրն է:
Այսօր լրագրողների հետ հանդիպմանը «Ինտերնետ հանրություն» ՀԿ-ի փոխտնօրեն Գրիգորի Սաղյանը պարզաբանեց, որ այսօրն իրականում ինտերնետ ադմինիստրատորի օրն է, սակայն համարում են նաև ինտերնետի միջազգային օրը:
ՀԿ-ի փոխտնօրենը նշեց, որ Հայաստանում ինտերնետի միացումը սկսվել է 1988 թվականից, իսկ անհատներին ինտերնետ միացումը հասանելի է դարձել 2000 թվականին: Հայաստանում ինտերնետի տարածման համար բեկումնային են եղել 2000 և 2007 թվականները, երբ կտրուկ իջավ ինտերնետի գինը:
Բանախոսը նշեց, որ Հայաստանում այսօր մեկ անձին հաշավարկով ինտերնետի արագագործությունը 3 մեգաբիթ վայրկյան է, իսկ օրինակ, Կորեայում և Ռուսաստանում` 100 մեգաբիթ:
Գրիգորի Սաղյանը նշեց նաև, որ Հայաստանում ինտերնետի թողունակությունը գործնականում անսահմանափակ է, սակայն օգտագործվում է 60 գիգաբիթ վայրկյանը:
