Հուլիսի 27-ին` երևանյան ժամանակով 17:00-ին, Լոնդոնի ExCeL ցուցադրական կենտրոնի հարթակում տեղի կունենա բռնցքամարտի օլիմպիական մրցաշարի վիճակահանությունը: Այնուհետև կմեկնարկի Բռնցքամարտի միջազգային ասոցիացիայի նախագահ Չինգ-Կուո Վուի մամլո ասուլիսը:

Վիճակահանությունը կանցկացվի ձեռքով: Ընդհանուր առմամբ մրցություններին մասնակցում են 286 բռնցքամարտիկներ:

Հայաստանի հավաքականի կազմում Օլիմպիադայի ժամանակ ելույթ կունենա միայն Անդրանիկ Հակոբյանը (75կգ):