Նախօրեին ավարտվել է Հասարակածային Գվինեայում պետական հեղաշրջման փորձի մեջ մեղադրվողների նկատմամբ դատավարությունը, որոնց թվում են վեց հայ օդաչուներ: Հայկական օդանավի հրամանատարի նկատմամբ դատարանը սահմանել է 24 տարվա, իսկ մյուս օդաչուների նկատմամբ` 14-ական տարվա պատժաչափեր: Դատարանի որոշումով պետականացվել են նաեւ «Դվին» կոնցեռնին պատկանող ԱՆ-12 ինքնաթիռը: Հայ օդաչուների դատապաշտպանը պատրաստվում է այդ անարդար վճռի դեմ բողոքի հայցով դիմել Հասարակածային Գվինեայի Գերագույն դատարան, իսկ հարկ եղած դեպքում` նաեւ միջազգային դատական ատյաններ: Այդ աֆրիկյան երկրում գտնվող հայկական պատվիրակությունը շարունակելու է մնալ այդ երկրում` տեղի իշխանությունների հետ քննարկելու հայ օդաչուներին Հայաստանին հանձնելու հետ կապված հարցեր: