Ազգային ավիափոխադրող «Արմավիա» ընկերությունը, չնայած Երևան-Հալեպ-Երևան չվերթի անեկամտաբերությանը, օգոստոսի 2-ին ժամը 14:01-ին իրականացրել է Երևան- Հալեպ- Երևան լրացուցիչ առաջին չվերթը: Ակդ մասին PanARMENIAN.Net-ի թղթակցին հայտնել է ընկերության մամլո ծառայությունը:

«Արմավիա» ընկերությունը Երևանից Հալեպ չվերթն իրականացրել է առանց ուղևորների՝ պահանջարկի բացակայության պատճառով: Հալեպից Երևան ինքնաթիռն ըստ նախատեսվածի «Զվարթնոց» օդակայան է ժամանել օգոստոսի 2-ին ժամը 18:25 – ին: Ինչպես հայտնել է PanARMENIAN.Net-ի թղթակցին ընկերության մամլո ծառայությունը, «Արմավիայի» լրացուցիչ չվերթով Հայաստան են տեղափոխվել Սիրիայի 50 քաղաքացիներ:

Երևան-Հալեպ-Երևան չվերթն իրականացվում է 50 տեղանոց SAG-200 օդանավով: