Հայ ծանրորդներից վերջինը Օլիմպիական խաղերում +75 կգ քաշային կարգում հանդես եկավ Եվրոպայի չեմպիոն և աշխարհի առաջնության բրոնզե մեդալակիր Հռիփսիմե Խուրշուդյանը:
Պոկման ժամանակ հայ մարզուհին արդյունավետ օգտագործեց երկու մոտեցում` բարձրացնելով 124 և 128 կգ-ոց ծանրաձողերը:
Հրումում Խորշուդյանը նախ բարձրացրել է 158 կգ, այնուհետև երկու փորձից նրան հաջողվել է գլխավերևում պահել 166 կգ: Երկամարտի արդյունքում նա ցույց է տվել 294 կգ արդյունք և նվաճել Օլիմպիական բրոնզե մեդալ: