Բեռլինի քաղաքապետարանը և ֆրանսիական կառավարությունը հայտարարել են 2024-ի ամառային Օլիմպիական խաղերն ընդունելու ցանկության մասին:
Առաջինը նման հայտարարություն են կատարել Ֆրանսիայի իշխանությունները, որոնք որպես խաղերի անցկացման վայր առաջարկել են Փարիզը:
2005-ին Փարիզն առաջադրել էր իր թեկնածությունը 2012-ի խաղերի անցկացման իրավունքի համար, բայց պարտվել էր Լոնդոնին: Փարիզում խաղերի անցկացման գաղափարն առաջադրում են սոցիալիստները:
2024-ի Օլիմպիական ընդունելու իրավունքի համար Փարիզի մրցակիցը կարող է դառնալ Բեռլինը: Խաղերն անցկացնելու մտադրության մասին հայտարարել է Բեռլինի քաղաքապետ Կլաուս Վովերայտը: Ինչպես գրում է Die Welt-ը, նախագծին աջակցում է ողջ երկիրը և օլիմպիական կոմիտեն: