Ողջ Թբիլիսին այսօր մնացել է առանց էլեկտրաէներգիայի, հաղորդում է Վեստի.ru-ն: Քաղաքի էներգետիկ ծառայությունների ներկայացուցիչները հաստատել են հոսանքի ժամանակավոր դադարեցման փաստը, սակայն արտակարգ պատահարի պատճառները չեն նշվել:
Ներկա պահին իշխանությունները միջոցներ են ձեռնարկում էներգամատակարարման պահեստային համակարգերը միացնելու համար: Սպասվում է, որ էլեկտրականությունը Թբիլիսիում կմիանա առաջիկա ժամերին:
Շատ պետական և մասնավոր կառույցներ, հիվանդանոցներ և այլ կազմակերպություններ գործարկել են էներգամատակարարման ավտոնոմ աղբյուրները, հաղորդում է ԻՏԱՐ-ՏԱՍՍ-ի թղթակիցը:
Ավելի քան միլիոն բնակչություն ունեցող Թբիլիսիում երկու տարուց ավելի էլեկտրաէներգիայի նման մասշտաբային անջատում չի եղել: