Լոնդոնի Օլիմպիական խաղերում ավարտվեցին նաև թաեքվանդոյի մինչև 80 կգ քաշային կարգի մենամարտերը:
Հայաստանի ներկայացուցիչ Արման Երեմյանը
Բրոնզե մեդալի համար պայքարում Երեմյանը հանդիպեց Մեծ Բրիտանիան ներկայացնող Մուհամմադ Լուտալոյի հետ:
Առաջին ռաունդում կարելի է ասել հավասար պայքար էր ընթանում, չնայած տանտեր մարզիկը մի փոքր առավելություն ուներ: Այս ռաունդն ավարտվեց 4:1 հաշվով հօգուտ բրիտանացու:
Երկրորդում մարզիկները ավելի զգույշ էին գործում ու հետախուզում էին միմյանց: Սակայն վերջին երկու վայրկյանում Երեմյանը թուլացավ և հինգ միավոր նվիրեց մրցակցին, իսկ ինքը վաստակեց միայն մեկը:
Վերջին ռաունդում հայ թաեկվանդիստը փորձեց միավորներ վաստակել, սակայն չկարողացավ հետ բերել կորցրածը և պարտվեց 3:9 հաշվով:
Երեմյանը Օլիմպիական խաղերում գրավեց հինգերորդ տեղը:
Նշենք, որ այս մարզաձևը Օլիմպիական խաղերի ծրագրում ընդգրկվել է 2000 թվականից: Յերեմյանն անկախ Հայաստանի պատմության մեջ առաջին թաեքվանդիստն է, որ մասնակցում էր Օլիմպիադային: