ԱՄՆ պետաքարտուղար Հիլարի Քլինթոնը ժամանել է Ստամբուլ` Թուրքիայի իշխանությունների հետ Սիրիայում տիրող իրավիճակի շուրջ բանակցելու համար: Ինչպես հաղորդում է Al-Arabiya հեռուստաալիքը` հղելով ամերիկյան դիվանագետներին, սպասվում է, որ Քլինթոնը մանրամասնորեն կքննարկի այս երկրում տիրող վերջին իրադարձությունները այդ երկրի նախագահ Աբդուլլահ Գյուլի և ԱԳ նախարար Ահմեդ Դավութօղլուի հետ:

Բանակցությունների գլխավոր թեման կլինի սիրիական ընդդիմությանը ԱՄՆ և Թուրքիայի կողմից տրամադրվող արդյունավետ օգնությունը:

Քլինթոնը իր թուրք գործընկերների հետ խորհրդակցություններ կվարի Դամասկոսի նկատմամբ լրացուցիչ պատժամիջոցների նկատմամբ:

Քննարկվելիք երրորդ կարևոր հարցը կլինի Սիրիայում նախագահ Բաշար Ասադի կողմից իշխանությունը ժամանակավոր կառավարությանը փոխանցելու գործընթացը: