Աթենքում շախմատի մինչև 20 տարեկանների աշխարհի առաջնությունում արդեն կայացել են 10 տուրերի պարտիաները:
Առաջնության 10-րդ տուրում հայ գրոսմայստեր Սամվել Տեր-Սահակյանը սև խաղաքարերով հաղթանակ է տարել Դաս Դեբաշիսի (Հնդկաստան) նկատմամբ: Տեր-Սահակյանը հավաքել է 7.5 միավոր և իջել 4-րդ տեղը:
Հայաստանի մեկ այլ ներկայացուցիչ Կարեն Գրիգորյանը պարտության է մատնել Մադս Անդերսոնին և 7 միավորով զբաղեցնում է 8-րդ տեղը:
Վահե Բաղդասարյանը ոչ ոքի է խաղացել Մարսել Կանարեկի (Լեհաստան) հետ, իսկ Շուշաննա Սարգսյանը պարտություն է կրել Յուլիա Օսմակից (Ուկրաինա):